(ਭਾਗ–2) ਖਬਰ ਤੋਂ ਬਾਅਦ ਵੀ ਖਾਮੋਸ਼ੀ? ਕਿ ਸਿਸਟਮ ਦੀ ਸੱਚ ਮਿਲੀ ਭੁਗਤ ਹੈ?

(ਭਾਗ–2) ਖਬਰ ਤੋਂ ਬਾਅਦ ਵੀ ਖਾਮੋਸ਼ੀ? ਕਿ ਸਿਸਟਮ ਦੀ ਸੱਚ ਮਿਲੀ ਭੁਗਤ ਹੈ?

ਜਲੰਧਰ: 18 ਫਰਵਰੀ 2026 (ਅਨਿਲ ਵਰਮਾ) ਜਲੰਧਰ ਕਪੂਰਥਲਾ ਚੌਂਕ ਨੇੜੇ ਕਥਿਤ ਗੈਰਕਾਨੂੰਨੀ ਸ਼ਰਾਬ ਸੇਵਨ ਮਾਮਲੇ ਬਾਰੇ ਪਹਿਲੀ ਰਿਪੋਰਟ ਪ੍ਰਕਾਸ਼ਿਤ ਹੋਣ ਤੋਂ ਬਾਅਦ ਵੀ ਮੌਕੇ ’ਤੇ ਹਾਲਾਤ ਜਿਵੇਂ ਦੇ ਤਿਵੇਂ ਦੱਸੇ ਜਾ ਰਹੇ ਹਨ। ਜਾਣਕਾਰੀ ਮੁਤਾਬਕ ਇਹ ਰਿਪੋਰਟ ਮਾਨਯੋਗ ਜਲੰਧਰ ਪੁਲਿਸ ਕਮਿਸ਼ਨਰ, ਡੀਸੀਪੀ, ਸੰਬੰਧਤ ਏਸੀਪੀ ਅਤੇ ਥਾਣਾ ਨੰਬਰ. 2 ਜਲੰਧਰ ਦੇ ਐਸਐਚਓ ਤੱਕ ਭੇਜੀ ਗਈ ਸੀ, ਤਾਂ ਜੋ ਕਥਿਤ ਤੌਰ ’ਤੇ ਚੱਲ ਰਹੀ ਗੈਰਕਾਨੂੰਨੀ ਗਤੀਵਿਧੀ ’ਤੇ ਰੋਕ ਲੱਗ ਸਕੇ।

ਪਰ ਸਵਾਲ ਇਹ ਹੈ ਕਿ ਜੇ ਅਧਿਕਾਰੀਆਂ ਤੱਕ ਮਾਮਲਾ ਪਹੁੰਚ ਗਿਆ ਸੀ, ਤਾਂ ਫਿਰ ਤੁਰੰਤ ਚੈਕਿੰਗ ਜਾਂ ਜਾਂਚ ਦੀ ਖ਼ਬਰ ਕਿਉਂ ਸਾਹਮਣੇ ਨਹੀਂ ਆਈ? ਕੀ ਮੌਕੇ ’ਤੇ ਪਹਿਰਾ ਵਧਾਇਆ ਗਿਆ? ਕੀ ਲਾਇਸੰਸ ਅਤੇ ਐਕਸਾਈਜ਼ ਦਸਤਾਵੇਜ਼ਾਂ ਦੀ ਜਾਂਚ ਕੀਤੀ ਗਈ? ਜਨਤਾ ਇਨ੍ਹਾਂ ਸਵਾਲਾਂ ਦੇ ਜਵਾਬ ਮੰਗ ਰਹੀ ਹੈ।

ਇਹ ਇਲਾਕਾ ਪੰਜਾਬ ਪੁਲੀਸ ਕਮਿਸ਼ਨਰੇਟ ਦੇ ਅਧੀਨ ਆਉਂਦਾ ਹੈ ਅਤੇ ਸ਼ਹਿਰ ਦੀ ਕਾਨੂੰਨ-ਵਿਵਸਥਾ ਨੂੰ ਮਜ਼ਬੂਤ ਰੱਖਣ ਦਾ ਦਾਅਵਾ ਕੀਤਾ ਜਾਂਦਾ ਹੈ। ਜਲੰਧਰ ਕਮਿਸ਼ਨਰ ਧੰਨ ਪ੍ਰੀਤ ਕੌਰ ਵੱਲੋਂ ਵੀ ਪਹਿਲਾਂ ਸਪਸ਼ਟ ਸੁਨੇਹਾ ਦਿੱਤਾ ਗਿਆ ਹੈ ਕਿ ਗੈਰਕਾਨੂੰਨੀ ਕਾਰੋਬਾਰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਅਜਿਹੇ ਵਿੱਚ ਮਾਮਲੇ ’ਤੇ ਪ੍ਰਸ਼ਾਸਨਕ ਪ੍ਰਤੀਕਿਰਿਆ ਆਉਣਾ ਜ਼ਰੂਰੀ ਬਣਦਾ ਹੈ।

ਸਮਾਜਿਕ ਵਰਗਾਂ ਦਾ ਕਹਿਣਾ ਹੈ ਕਿ—

ਜੇ ਦੋਸ਼ ਬੇਬੁਨਿਆਦ ਹਨ, ਤਾਂ ਅਧਿਕਾਰਿਕ ਤੌਰ ’ਤੇ ਸਪਸ਼ਟੀਕਰਨ ਜਾਰੀ ਕੀਤਾ ਜਾਵੇ।

ਜੇ ਉਲੰਘਣਾ ਪਾਈ ਜਾਂਦੀ ਹੈ, ਤਾਂ ਤੁਰੰਤ ਕਾਰਵਾਈ ਕਰਕੇ ਮਿਸਾਲ ਕਾਇਮ ਕੀਤੀ ਜਾਵੇ।

ਇਹ ਮਾਮਲਾ ਕੇਵਲ ਇੱਕ ਦੁਕਾਨ ਦਾ ਨਹੀਂ, ਸਗੋਂ ਜਨਤਕ ਸੁਰੱਖਿਆ ਅਤੇ ਕਾਨੂੰਨ ਦੀ ਪਾਲਣਾ ਨਾਲ ਜੁੜਿਆ ਹੈ। ਪ੍ਰਸ਼ਾਸਨ ਲਈ ਇਹ ਮੌਕਾ ਹੈ ਕਿ ਜਾਂਚ ਕਰਕੇ ਸੱਚਾਈ ਸਾਹਮਣੇ ਲਿਆਏ ਅਤੇ ਜ਼ਿੰਮੇਵਾਰੀ ਨਿਭਾਏ। ਅਗਲੇ ਭਾਗ ਵਿੱਚ ਜਾਂਚ ਅਤੇ ਅਧਿਕਾਰਿਕ ਜਵਾਬ ਮਿਲਣ ’ਤੇ ਹੋਰ ਤੱਥ ਸਾਂਝੇ ਕੀਤੇ ਜਾਣਗੇ।